不經不覺,十二月就係許一五歲生日了!
記得嗰陣準備懷孕前,我係希望許一係年頭出世,做大B入好既學校讀書,聰明伶俐,人見人愛,
但係當陀住佢嗰陣,時時作小產,心入面非常擔心!先發現原來我想要既許一係唔需要聰明唔需要做大B,只要佢健康出世,開開心心就可以,我就咩都滿足了!
後來佢做左早產B,早左一個半月出世,得四磅幾,仲差唔多訓左成個月醫院先返得屋企,真係寧願訓醫院嗰個係我!
好感恩佢而家真係健康快樂咁成長!喺佢就黎五歲既生日,我都有諗起:如果我晌落後既國家生小朋友,冇完善既醫療制度,可能我唔係作小產,而係真係冇左個小朋友!!所以我同許一商量好,佢既生日會會邀請佢同學仔同朋友仔,唔好花錢買禮物喇!將買禮物既錢捐到無國界醫生,幫助落後國家有需要既人啦!
到時生日會玩得開心啲就得架喇!
筹款进度225%
筹得款项(港币)4500
筹款目标(港币)2000
支持者人数16