你好,我係Shanna,我已經支持左無國界醫生5~6年,不單因為佢地係國際救援機構,更因為佢地前線人員為每一個生命嘅付出令我選擇支持無國界醫生。有時收到無國界一些繄急信件,看到內容可能只需每月港幣$300一年便可為1,362名難民提供三個月基本藥物及醫療物資 嘅時候,會慨嘆喺物質充裕嘅香港,我地常常浪費藥物,食物... 300蚊或者對好多人來講,去酒吧飲杯野已經無左,但喺世界嘅另一邊,就有好多人會因為呢300蚊被救。
我自己係一個成日病嘅人,手術室都入過幾次。但我好好彩,生活喺香港,我唔需要擔心藥物甚至我可以選擇治療嘅方法或者醫院,10月係我嘅生日月份,我好希望將我嘅幸福分享俾更需要嘅人,所以識我嘅親朋好友,今年你地就將送禮物或者請我食飯嘅心意轉送俾世界上可能連簡單到退燒藥都無嘅人手上,又或者唔識我嘅人你都可以捐助。
近來我學到一句話:「生命影響生命!」我好希望我父母帶我來到呢個世界嘅生命,可以影響到你,然後再影響到世界另一邊無可能上到網嘅另一個你。
我特意設計左一款帆布袋同TEE俾決定影響另一個生命嘅你,當你拎住個袋出街或者著住件TEE嘅時候會令你或者你身邊嘅朋友知道呢個世界有好多人需要你去影響同改變佢地嘅命運!:)
給捐款的你:
捐款$100或以上,將會送出我自己設計的帆布袋給你
捐款$300或以上,將會送出我自己設計的Tee給你
捐款後請將無國界醫生的確認電郵轉寄至:wsccat@yahoo.com.hk,提供你姓名同地址。如果捐$300 以上嘅人,請提供你穿著嘅碼數XS,S,M,L,XL
籌款進度41%
籌得款項(港幣)4100
籌款目標(港幣)10000
支持者人數12